ٹیکسی ڈرائیور کے بیٹے نے بلائنڈ کرکٹ ٹیم میں جگہ بنالی

16

مہمند ایجنسی(قدرت روزنامہ10فروری2017)ہندوستان کے شہر بنگلور میں کھیلے جارہے بلائنڈ ٹی ٹوئنٹی ورلڈکپ ٹورنامنٹ میں پاکستانی ٹیم کی کامیابیوں کا سلسلہ جاری ہے، لیکن شاید ہی کوئی جانتا ہو کہ اس ٹیم میں مہمند ایجنسی کے ایک ٹیکسی ڈرائیور کا بیٹا بھی شامل ہے.پاکستان کے قبائلی علاقے مہمند ایجنسی کے ایک 35 سالہ ٹیکسی ڈرائیور مریب خان کے بیٹے محسن خان کو ہندوستان میں کھیلے جارہے بلائنڈ ٹی ٹوئنٹی ورلڈکپ کرکٹ ٹورنامنٹ میں پاکستان کی نمائندگی کا موقع ملا.
مہمند ایجنسی کے علاقے کوز گنداؤ سے تعلق رکھنے والے 19 سالہ محسن خان پاکستان ٹیم میں آل راؤنڈر کے طور پر کھیل رہے ہیں.انھوں نے ویسٹ انڈیز کے خلاف میچ میں 18 گیندوں پر ناقابل شکست 36 رنز بنائے، محسن خان نے جاری ٹی ٹوئنٹی ورلڈکپ میں 7 وکٹیں بھی حاصل کیں.
محسن خان پیدائشی طور پر بینائی سے محڑوم ہیں اور بچپن سے ہی کرکٹ کے شیدائی ہیں. ان کے والد مریب خان نے میڈیا سے گفتگو کے دوران بتایا کہ محسن بچپن سے معذور ہونے کے باوجود گائوں کی گلیوں میں کرکٹ کھیلتے تھی. انہیں امید تھی کہ ایک دن وہ پاکستان بلائنڈ کرکٹ ٹیم کا حصہ ضرور بنیں گے. ان کا کہنا تھا میں آج بہت فخر محسوس کررہا ہوں کہ میرا بیٹا ورلڈ کپ میں پاکستان کی بلائنڈ کرکٹ ٹیم کا حصہ بنا میں ایک ٹیکسی ڈرائیور ہوں اور میں نے کبھی یہ سوچا بھی نہیں تھا کہ میرا معذور بیٹا پاکستان کرکٹ ٹیم کا حصہ بن جائے گا. یاد رہے کہ گزشتہ روز پاکستان کی بلائنڈ ٹیم نے ویسٹ انڈیز کیخلاف عالمی ریکارڈ قائم کرنے کے ساتھ ساتھ مسلسل آٹھویں فتح بھی حاصل کی تھی.
..


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں
Loading...

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top