پاناما لیکس نے حکومت کو پاگل کردیا ہے یہ حکومت مسافر ہے اور بہت جلد جانے والی ہے، مولا بخش چانڈیو

b11

حیدر آباد(قدرت روزنامہ10فروری2017)پیپلزپارٹی کے رہنما مولا بخش چانڈیو کا کہنا ہے کہ پاناما لیکس نے حکومت کو پاگل کردیا ہے یہ حکومت مسافر ہے اور بہت جلد جانے والی ہے.حیدرآباد میں خطاب کرتے ہوئے مولا بخش چانڈیو کا کہنا تھا کہ پاناما نے وفاقی حکومت کو پاگل کردیا ہے یہی انہیں گھربھیجے گا اب ان کے دن گنے جا چکے ہیں.

ان کا کہنا تھا کہ یہ مسافر حکومت ہے اس کے اختتام پذیر ہونے کے دن آگئےہیں اور مسلم لیگ (ن) نے اپنے طور پر جانے کی تیاری کرلی ہے.مولا بخش چانڈیو کہنا تھا کہ حکومت اخلاقی جوازکھو بیٹھی ہے پورے ملک کا بجٹ صرف لاہورپرخرچ کردیا گیا ہے، پنجاب میں لوگوں کو سرعام لوٹا اور مارا جارہا ہے، عوام پرحیسکوکےمظالم جاری ہیں اور کوئی پوچھنے والانہیں، مسلم لیگ(ن) کی ہر اسکیم ناکام ہوگئی ہے، نوازشریف نے سپرپائی وے کے صرف 70کلومیٹرکا افتتاح کیا اور ڈھول بجاکرچلےگئے. ان کے کسی وزیر کو گالیاں دینے کے علاوہ کچھ نہیں آتا جب کہ میٹھے لہجے والے پرویزرشید بھی شعلے برسا رہے ہیں.رہنما پیپلزپارٹی نے کہا کہ ہم افراتفری کی کیفیت سے بچنا چاہتےہیں، پیپلز پارٹی نفرتوں پر یقین نہیں رکھتی ہماری جانب سے صرف بلاول بھٹوزرداری کے4 مطالبات کی جدوجہد چل رہی ہے.یاد رہے تحریک انصاف کے دوسرے دھرنے کے دنوں میں بھی مولا بخش چانڈیو نے کہا تھا کہ خانہ بدوشوں نے سفر کی ٹھان لی ہے حکومت جلد جانے والی ہے تاہم ایسا نہیں ہوا.

..


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں
Loading...

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top