مشیر اطلاعات سندھ مولابخش چانڈیو اپنے عہدے سے مستعفی

b1

کراچی(قدرت روزنامہ02فروري2017) مشیر اطلاعات سندھ مولابخش چانڈیو اپنے عہدے سے مستعفی ہوگئے ہیں.

تفصیلات کے مطابق مولابخش چانڈیو نے اپنا استعفیٰ وزیر اعلی سندھ مراد علی شاہ کو ارسال کردیا ہے اور کہا ہے کہ عدالت کے فیصلے کے بعد اس منصب پر فائزرہنا مناسب نہیں ہے،شہید بھٹو سے لے کر آج تک عدالتی فیصلوں کا احترام کیا ہے اور مستقبل میں بھی احترام کیا جائے گا.

واضح رہے کہ سندھ ہائیکورٹ کے چیف جسٹس کی سربراہی میں بینچ نے مشیر قانون بیرسٹرمرتضی ٰوہاب سے مشیر قانون کی حیثیت سے قلمدان کی واپسی کے حوالے سے کیس کی سماعت کی گئی اورمرتضی وہاب سے قلمدان واپس لینے کے حوالے سے نوٹیفکیشن عدالت میں پیش کیا گیاجس پر سندھ ہائی کورٹ کے چیف جسٹس سجاد علی شاہ نے حکم جاری کیا تھاکہ مولا بخش چانڈیو، سینٹر سعید غنی اور اصغر جونیجو کو بھی عہدوں سے فوری طور پر ہٹا کر دو روزکے اندر عدالت کو بتایا جائے کہ ان تمام مشیروں کو کتنی تنخواہیں ،مراعات اور اختیارات دیئے گئے ہیں.

..


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں
Loading...

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top