دلکش صورت اور سریلی آواز والی گل پانڑا نے لاکھوں دلوں کو چھولیا

پشاور(قدرت روزنامہ13فروری2017) پاکستانی میوزک کے منظر نامے پر اچانک چمکنے اور پھر چھا جانے والی دلکش صورت اور سریلی آواز والی گل پانڑا نے لاکھوں دلوں کو چھولیا ہے.

کوک سٹوڈیو کے سیزن 8 کی قسط 3 میں عاطف اسلام کے ساتھ ملکر پاکستانی شائقین کے کانوں میں رس گھولنے والی دلکش اور معصوم صورت والی گل پانڑا ایک بڑے سرپرائز سے کم نہیں نکلیِں، اور ہر کوئی ان کے بارے میں مزید جاننے کیلئے بے تاب پایا گیا ہے.

ایک نجی ویب سائٹ کے مطابق دراصل وہ ایک عرصے سے میوزک کی دنیا سے وابستہ ہیں. پشاور میں جنم لینے والی 26 سالہ گل پانڑا پشتو اور فارسی زبانوں میں مہارت رکھتی ہیں اور لوک گیت گاتی رہی ہیں. ابتداء میں ان کے گھر والوں کی طرف سے ان کے شوق کی حوصلہ افزائی نہ کی گئی لیکن انہوں نے سکول، کالج اور یونیورسٹی میں گانے کا شوق جاری رکھا اور اب نہ صرف پاکستان بلکہ بیرون ملک بھی ان کے مداحوں کی کمی نہیں.خوبصورت آواز کا حسین امتزاج گل پانڑہ متحدہ عرب امارات، قطر اور افغانستان میں بھی بہت مقبول ہیں. انہوں نے پشاور یونیورسٹی سے ایم اے کی ڈگری بھی لے رکھی ہے. ان کے مداح انہیں تازہ ہوا کا میٹھا جھونکا قرار دیتے ہیں.

..


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں
Loading...

تازہ ترین

To Top