قوم کو لوٹنے اور برباد کرنے والے گلے پھاڑ کر ہم پر الزامات لگا رہے ہیں، شہبازشریف

شیخوپورہ:( نیوز ایجنسیاں ) وزیراعلیٰ پنجاب شہباز شریف کا کہنا ہے کہ 2014 کیدھرنے نے پاکستانی معیشت تباہ کرنے میں کسرنہیں چھوڑی تھی جب کہ قوم کو لوٹنے اور برباد کرنے والے گلے پھاڑ پھاڑ کر ہم پر الزامات لگا رہے ہیں.شیخوپورہ میں بھکی پاورپلانٹ کی افتتاحی تقریب سے خطاب کرتے ہوئے وزیراعلیٰ پنجاب شہبازشریف نے کہا کہ 18 ماہ کی رکارڈ مدت میں بھکی پاور پلانٹ منصوبہ مکمل ہوا ہے، اس منصوبے کا فیصلہ وزیراعظم نہ کرتے توتوانائی بحران زیادہ ہوتا، بھکی پاور پلانٹ گڈوپاورپلانٹ منصوبے کی نقل ہے جس کی قیمت گڈو پاور پلانٹ سے نصف ہے جب کہ 70سالہ تاریخ میں منصوبوں میں ایسی بچت نہ دیکھی نہ سنی گئی.

انہوں نے کہا کہ منصوبوں میں کسی کو ایک پائی کی کرپشن کرنے کی جرات نہیں ہوئی اورکوئی مبالغہ نہیں کہ وزیراعظم نے 112 ارب روپے بچت کی جسے کسی بھی فورم پرچیک کرایا جاسکتا ہے.شہبازشریف نے کہا کہ 2014 کیدھرنے نے پاکستانی معیشت تباہ کرنے میں کسرنہیں چھوڑی تھی، اگر دھرنوں میں ترقی کے فیصلے دب جاتے تو ملک کا کیا ہوتا، قوم کو لوٹنے اور برباد کرنے والے گلے پھاڑ پھاڑ کر ہم پر الزامات لگا رہے ہیں جب کہ ملک کاپیسا لوٹ کرسوئس بینکوں میں لے جانے والے منصوبوں میں تاخیر کرتے رہے. انہوں نے کہا کہ پاناما کیس کا فیصلہ اگر 20 سال تو ہمارے منصوبے کی شفافیت 40 سال یاد رکھی جائے گی.وزیراعلیٰ پنجاب کا کہنا تھا کہ سال کے شروع میں لوڈشیڈنگ مکمل ختم ہوجائے گی اور عوام کو بھی یقین آ گیا ہے کہ بجلی کی لوڈ شیڈنگ جلد ختم ہو جائے گی تاہم کاوشوں کے باوجود لوڈ شیڈنگ بڑھی تو ذمے داروں کو وزیراعظم کٹہرے میں لائیں گے...


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top