میچ فکسنگ کے الزام پر اسلام آباد یونائیٹڈ کے شرجیل خان، خالد لطیف کے بعد فاسٹ باؤلر محمد عرفان بھی معطل ہو گئے

33

دبئی(قدرت روزنامہ11فروری2017)کھیل کے ساتھ کھلواڑ، پاکستان سپر لیگ کو بڑا دھچکا لگ گیا. بکیوں سے مبینہ رابطے اور میچ فکسنگ کے الزام پر اسلام آباد یونائیٹڈ کے شرجیل خان، خالد لطیف کے بعد فاسٹ باؤلر محمد عرفان بھی معطل ہو گئے.

اوپنرز گنہگار ہیں یا بے قصور اینٹی کرپشن یونٹ نے تحقیقات بھی شروع کر دیں. جواریوں سے مبینہ رابطوں پر دونوں کھلاڑیوں کو سپرلیگ سے باہر کر کے دبئی سے واپس وطن بھجوا دیا گیا جبکہ اب فاسٹ باؤلر محمد عرفان پر بھی میچ فکسنگ کا الزام لگا ہے.

اینٹی کرپشن یونٹ نے محمد عرفان کا فون قبضہ میں لے لیا اور محمد عرفان کو پی ایس ایل سے آؤٹ کر کے وطن واپس بھجوا دیا گیا. پی ایس ایل کے افتتاحی میچ میں شرجیل خان ایک رن بنا کر ایل بی ڈبلیو ہو گئے تھے.محمد عرفان نے بھی چار اوورز میں دو وکٹیں لیں اور ستائیس رنز دیئے جبکہ خالد لطیف کو اسلام آباد یونائیٹڈ کی حتمی الیون میں نمائندگی نہ مل سکی تھی. تین کھلاڑیوں کے آؤٹ ہونے کے بعد آئندہ چند روز میں میچ فکسنگ کے پنڈورا باکس سے کس کس کھلاڑی کا نام نکلے گا. سب کی نظریں لگ گئیں.

..


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں
Loading...

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top