شہرہ آفاق ڈرامہ سیریل ’’الفا، براوو، چارلی ‘‘کی خوبصورت ہیروئن شہناز کس حال میں ہیں اور کیا کر رہی ہیں؟ تازہ تصاویرنے دیکھنے والوں کو ورطہ حیرت میں ڈال دیا

اسلام آباد (قدرت روزنامہ19-اپریل-2017) شہرہ آفاق پاکستانی ڈرامہ سیریل ’’الفا، براوو، چارلی ‘‘سے شہرت پانے والی شہنازخواجہ کی تازہ تصاویر نے سوشل میڈیا پر ہلچل مچا دی. تفصیلات کے مطابق شہرہ آفاق پاکستانی ڈرامہ سیریل’’الفا، براوو، چارلی‘‘سے شہرت پانے والی شہناز خواجہ کی تازہ تصاویر نے سوشل میڈیا پر ہلچل مچا دی.

شہناز خواجہ نے آئی ایس پی آر کی پروڈکشن میں بننے والے ڈرامہ سیریل الفا ، براوو، چارلی جو کہ شعیب منصور کی ہدایت کاری میں بنا تھا سے بے پناہ شہرت حاصل کی تھی، 90کی دہائی میں آن ائیر آنے والے اس ڈرامے نے کئی ریکارڈ بھی اپنے نام کئے تھے.پاک فوج کے جوانوں کی زندگی پر بننے والے اس ڈرامہ سیریل میں شہناز واحد ہیروئن کے طور پر سامنے آئی تھیں . ’’الفا، براوو، چارلی میں براڈ مائنڈڈ مگر پاکستانی روایات اور اقدار کی پابند لڑکی کا کردار نبھانے پر شہناز کو خوب سراہا گیا تھااور کئی لوگ ان کے دیوانے ہو کر ان پر دل بھی ہار بیٹھے تھے. ڈرامہ سیریل کے بعد شہناز خواجہ کی شادی اور بعد ازاں امریکہ میں مستقل رہائش کی خبروں نے ان کے مداحوں کو شدید مایوس کیا تھا مگر اب شہناز خواجہ کی سماجی رابطوں کی ویب سائٹ ٹویٹر پر تازہ تصاویر نے ہلچل مچا دی ہے جس میں وہ بالکل ایک الگ ہی روپ میں نظر آرہی ہیں.متعدد مرتبہ پلاسٹک سرجری کے عمل سے گزرنے کے بعد شہناز خواجہ کا چہرہ بالکل ہی تبدیل ہو گیا ہے اور ان کے پہناوے بھی ان کے نظریات اور سوچ میں تبدیلی کا واضح اشارہ دے رہے ہیں. سوشل میڈیا صارفین کی ایک بڑی تعداد ان کے اس نئے روپ میں سامنے آنے پر جہاں مایوسی کا اظہار کر رہی ہے وہیں کئی صارفین اس کو ان کا ذاتی معاملہ قرار دے رہے ہیں...


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں
Loading...

تازہ ترین

To Top