آرمی چیف جنرل قمر جاوید باجوہ کی پیشہ ورانہ سوچ اور اصول پسندی سے سب واقف ہیں

20

اسلام آباد (قدرت روزنامہ15-فروری2017)آرمی چیف جنرل قمر جاوید باجوہ کی پیشہ ورانہ سوچ اور اصول پسندی سے سب واقف ہیں. وہ وسیع مطالعہ رکھتے ہیں اور ہمہ جہتی سوچ کے مالک ہیں.

ہندوستان ٹائمز کی ایک رپورٹ میں اخبار دی نیشن کے حوالے سے ان کی شخصیت کے اسی پہلو کا تذکرہ کرتے ہوئے بتایا گیا ہے کہ گزشتہ سال دسمبر میں جب انہوں نے سینئر افسران سے خطاب کیا تو ایک امریکی مصنف کی وہ کتاب پڑھنے کی ہدایت کی جس میں بتایا گیا ہے کہ بھارت فوج کو سیاست سے باہر رکھنے میں کس طرح کامیاب ہوا. رپورٹ کے مطابق انہوں نے اپنے خطاب میں کہا کہ فوج کا کوئی کام نہیں ہے کہ وہ حکومت چلانے کی کوشش کرے.رپورٹ میں مزید بتایا گیا ہے کہ آرمی چیف نے یہ خطاب دسمبر کے آخری ہفتے میں راولپنڈی گیریژن کے افسران سے کیا. وہ جس کتاب کا حوالہ دے رہے تھے اس کا نام Army and Nation: The Military and Indian Democracy Since Independence ہے. کتاب کے مصنف کا نام سٹیون آئی ولکنسن ہے، جو ییل یونیورسٹی میں انڈیا اینڈ ساﺅتھ ایشیا سٹڈیز کے پروفیسر ہیں. اس کتاب میں بھارت کے ان سیاسی اور خارجہ و سٹریٹجک فیصلوں کا احاطہ کیا گیا ہے جو جمہوریت کو مضبوط کرنے کا سبب بنے. رپورٹ میں مزید بتایا گیاہے کہ جنرل قمر جاوید باجوہ دیگر مطالعہ کے علاوہ بھارت کے بارے میں شائع ہونے والی کتب اور میڈیا میں اس کے متعلق شائع ہونے والے مضامین کا بھی بکثرت مطالعہ کرتے ہیں. بھارت کے متعلق مطالعے کا ان کا شوق اس وقت سے جاری ہے جب وہ 1992ءمیں ایک نوجوان افسر کے طور پر لائن آف کنٹرول پر فرائض سرانجام دے رہے تھے...


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں
Loading...

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top