اگر آپ بہت زیادہ ٹی وی دیکھنے کے شوقین ہیں تو یہ خبر پڑھنے کے بعد آپ یقینا اس عادت سے توبہ کرلیں گے

کوپن ہیگن(قدرت روزنامہ16فروری2017)اگر آپ بہت زیادہ ٹی وی دیکھنے کے شوقین ہیں تو یہ خبر پڑھنے کے بعد آپ یقینا اس عادت سے توبہ کرلیں گے. یونیورسٹی آف کوپن ہیگن کے سائنسدانوں نے ایک حالیہ تحقیق میں انکشاف کیا ہے کہ کثرت سے ٹی وی دیکھنے والے مردوں کی تولیدی صحت بری طرح متاثر ہوتی ہے اور ان میں اولاد پیدا کرنے کی صلاحیت پریشان کن حد تک کم رہ جاتی ہے.

 ویب سائٹ مینز ہیلتھ کی رپورٹ کے مطابق یہ تحقیق یونیورسٹی آف کوپن ہیگن کے سائنسدانوں نے کی ہے جس میں روزانہ پانچ گھنٹے یا اس سے زائد وقت کے لئے ٹی وی دیکھنے والے مردوں کی تولیدی صحت کا مطالعہ کیا گیا. تحقیق کاروں کا کہنا ہے کہ ان مردوں میں سپرم کا ارتکاز تقریباً 29 فیصد کم تھا جبکہ ٹی وی نہ دیکھنے والے مردوں کی نسبت ان میں سپرم کی تعداد تقریباً 34 فیصد کم تھی. تحقیق میں یہ بھی معلوم ہوا کہ اتنے ہی وقت کے لئے کمپیوٹر استعمال کرنے والوں کی مردانہ صحت پر اتنے برے اثرات مرتب نہیں ہورہے تھے. سائنسدانوں کا کہنا ہے کہ غالباً اس کی وجہ یہ ہے کہ ٹی وی دیکھنے کے دوران ہم جسمانی اور ذہنی طور پر تقریباً بے کار ہوتے ہیں اور زیادہ ہلنے جلنے کی زحمت نہیں کرتے. اس کے برعکس چند گھنٹوں کے لئے بیٹھ کر کمپیوٹر استعمال کرنے کے دوران کم از کم ہمارا ذہن متحرک رہتا ہے جبکہ ہم وقتاً فوقتاً چہل قدمی بھی کرسکتے ہیں. ماہرین کے مطابق اچھی مردانہ صحت کے لئے ہمیں جسمانی طور پر متحرک رہنے کی ضرورت ہوتی ہے. اگر ہم جسمانی مشقت نہیں کرتے، ورزش بھی نہیں کرتے اور اس کے ساتھ کثرت سے ٹی وی بھی دیکھتے ہیں تو یقینا ہمیں بانجھ پن کے لئے تیار رہنا چاہئیے :-

..


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top