صارفین اب ٹروکالر (Truecaller) ایپ کے ذریعے معلوم کرسکتے ہیں کہ انہیں کون کال کر رہا ہے

اسلام آباد (قدرت روزنامہ10فروری2017)کیا آپ کو کبھی کسی نامعلوم نمبر سے کوئی ان چاہی کال موصول ہوئی اور آپ نے سوچا کہ یہ کون ہے؟ اس بات کا قوی امکان ہے کہ ایسا ضرور ہوا ہو گا. صارفین اب ٹروکالر (Truecaller) ایپ کے ذریعے معلوم کرسکتے ہیں کہ انہیں کون کال کر رہا ہے.

یہ ایپ فون کال موصول کرنے کا طریقہ ہی بدل دے گی. اس ایپ کو اب 25 کروڑ سے زائد افراد استعمال کررہے ہیں اور یہ ہر ماہ پاکستان میں 30 لاکھ سے زائد کالز کو بلاک کرتی ہے. یہ ایپ ٹیلی مارکیٹنگ اور بلینک کالز جیسی نامعلوم اور ان چاہی کالز اور صارفین کو بلاک کرتی ہے. اس کا نیا ”کال می بیک فیچر“ بھی بے حد مفید ہے. اگر آپ کے پاس موبائل فون بیلنس نہیں ہے تو پریشانی کی بات نہیں. جب ایک صارف دوسرے کو کال کرنے کی کوشش کرتا ہے لیکن نمبر مصروف ملتا ہے یا کال رد کردی جاتی ہے یا کسی بھی وجہ سے کال ممکن نہیں ہوپاتی، تو کال می بیک فیچر دوسرے صارف کو یاد دہانی کرواتا ہے کہ اسے واپس کال کرنی ہے. نیا فیچر فی الحال صرف اینڈرائڈ کے لئے دستیاب ہے. ٹروکالر ایپ کی مدد سے آپ یہ سب کرسکتے ہیں: کالر آئی ڈی: جانئے کہ کون آپ کو کال کررہا ہے، اگرچہ اس کا نمبر آپ کی فون بک میں نہ بھی ہو. بلاک کالز: ان چاہی کالرز اور نامعلوم کالرز کو بلاک اور رپورٹ کریں، تاکہ دوسرے بھی ان سے بچ سکیں. نمبر اینڈ نیم لاک اپ: کسی بھی نمبر کو تلاش کیجئے، چاہے یہ مقامی ہو یا دنیا میں کہیں بھی، اور جانئے کہ اس کا تعلق کس کے ساتھ ہے . ٹرو کالر صارفین کو صرف نمبر ٹائپ کرنا ہوگا، اور پھر وہ نمبر کو مسڈ کال سے کاپی اور پیسٹ کرسکتے ہیں، یا اسے سرچ بار میں خود ٹائپ کرسکتے ہیں. اگر ٹروکالر کو اس نمبر کا میچ مل گیا تو صارف اس کی معلومات دیکھ سکے گا. صارفین کسی نام کی تلاش بھی کرسکتے ہیں اور پھر اس کونٹیکٹ کی مزید تفصیلات دیکھنے کے لئے اس نمبر کے مالک کو ’کونٹیکٹ ریکوئسٹ‘ بھی بھیج سکتے ہیں. کال بیک کی درخواست کیجئے: ریسیور کو نوٹیفکیشن بھیجا جائے گاکہ وہ کال بیک کرے.

..


قدرت میڈیا گروپ اور اس کی پالیسی کا کمنٹس سے متفق ہونا ضروری نہیں

تازہ ترین

Daily QUDRAT is an UrduLanguage Daily Newspaper. Daily QUDRAT is The Largest circulated Newspaper of Balochistan .

رابطے میں رہیں

Copyright © 2017 Daily Qudrat.

To Top